ឃាត់ខ្លួនអ្នករត់ឡានតាក់សុីម្នាក់ ក្រោយពីចាប់រំលោភនារី រងគ្រោះបានសម្រេចនៅលើរថយន្ត

ព្រៃវែង៖ សមត្ថកិច្ចនគរបាលបានឃាត់ខ្លួនបុរសជាអ្នករត់ឡានតាក់ស៊ីម្នាក់ ក្រោយធ្វើសកម្មភាពចាប់រំលោភនារីម្នាក់បានសម្រេចនៅលើរថយន្ត។ការឃាត់ខ្លួនជនសង្ស័យល្មោភកាមខាងលើបានធ្វើឡើងកាល់ពីថ្ងៃទី ២៦ខែមេសា ឆ្នាំ២០២០ វេលាម៉ោង ១២និង៤៣នាទី ។

សមត្ថកិច្ចប៉ុស្តិ៍នគរបាលរដ្ឋបាលឃុំច្រេស ស្រុកមេសាង បានឱ្យដឹងថា ក្រោយពីបានទទួលបណ្ដឹងពីឈ្មោះ ឆ ខ ភេទស្រីអាយុ ៣៣ ឆ្នាំរស់ ឃុំម្រាម ស្រុកមាសហែក ខេត្តស្វាយរៀងថា ខ្លួនត្រូវបានឈ្មោះ ខុន រិត ភេទប្រុសអាយុ ២៩ ឆ្នាំនៅភូមិបឹង ឃុំច្រេស ស្រុកមេសាង មុខរបរតៃកុង រថយន្ត ដឹកអ្នកដំណើរពីភ្នំពេញ មកស្រុកមេសាង បានធ្វើសកម្មភាពចាប់បង្ខំខ្លួនរំលោភសេពសន្ថវៈបានសម្រេច នៅលើរថយន្ត របស់ជនសង្ស័យ ក្រោយពីដាក់មនុស្សអស់ សល់តែខ្លួននិងតៃកុងទ្បាន នៅវេលាម៉ោង ៩និង៣០នាទីយប់ថ្ងៃ ទី២៥ខែមេសាឆ្នាំ២០២០ នៅចំណុចវាលលើផ្លូវលំ ក្នុងភូមិប្រហ៊ារ ឃុំច្រេស ស្រុកមេសាងខេត្តព្រៃវែង ។

ក្រោយពីទទួលបណ្តឹងភ្លាម ជំនាញនគរបាលស្រុក ចុះសហការជាមួយនគរបាលប៉ុស្តិ៍រដ្ឋបាលឃុំច្រេស បើកការស៊ើបអង្កេត ឈានដល់នាំខ្លួនជនសង្ស័យឈ្មោះ ខុន រិត និងរថយន្ត របស់ជនសង្ស័យ មកសាកសួរ នៅប៉ុស្តិ៍រដ្ឋបាលឃុំច្រេស ហើយក្រោយពីសួរនាំ ជនសង្ស័យបានសារភាពថា ខ្លួនពិតជាបានចាប់បង្ខំរំលោភបានសម្រេច ទៅលើជនរងគ្រោះឈ្មោះ ឆូយ ខី នៅលើរថយន្តរបស់ខ្លួនពិតប្រាកដមែន កាលពីយប់ថ្ងៃទី២៤ ខែមេសា ឆ្នាំ២០២០ កន្លងទៅ ដោយសារជនរងគ្រោះជិះរថយន្តរបស់ខ្លួនពីភ្នំពេញ មកស្រុកកំណើតភូមិតាទ្រូ ឃុំម្រាម ស្រុករមាសហែក ខេត្តស្វាយរៀង។
បច្ចុប្បន្ន រថយន្ត និងជនសង្ស័យ ខុន រិត សមត្ថកិច្ចបានឃាត់ខ្លួននាំមក អធិការដ្ឋាននគរបាលស្រុកមេសាង ដើម្បីបន្តនីតិវិធី និងត្រៀមបញ្ជូនទៅការិយាល័យជំនាញនៃស្នងការដ្ឋាននគរបាលខេត្តចាត់ការតាមច្បាប់៕

ប្រភព: Khnews